دجاج مقلي بالزيتون رااائع
شديت الدجاج غسلتهم مزيااان بالملح
والحامض..أنا درت 2 صغار ودرتهم في طاوة وزدت نصف كأس زيت بلدية و2 بصلات
مشلطين وشوية معدنوس مفروم و6 دروس ثومة مهروسة م ص ملح م ص إبزار م ص سكين
جبير ونصف م ص خرقوم شوية زعفران حر وشوية سمن ونقصت على العافية وبقيت
كانقلي دجاج في هاد شرمولة كل مرة نقلبو باش يتحمر ويشرب شرمولة كرري
العملية حتى تشوفي دجاج ديالك تحمر ومن بعد زيدي كأس من الماء ونقصي على
البوطة وخليه يطيب على المهل لمدة 40 دقيقة ومرة مرة قلبيه باش يطيب من
جميع الجوانب وخصوصا الصدر كايبغي طياب ملي يقرب يطيب لوحي الزيتون أخضر
وشوية حامض مصير وبالصحة والراحة
منقول عن الحادكة
ليست هناك تعليقات: